Сè е чудо во својата длабока суштина, а електриката е едно од најголемите чуда. Уште од самите почетоци на развојот на моторите и на автомобилите електриката (електротехниката) го доби престижниот статус на незаменлив елегантен придружник на механичките системи како системот за палење на моторот, подоцна системот за стартување на моторот, а со развојот на автомобилската индустрија се редеа и останатите системи како: системот за светлосна и звучна сигнализација, системите за проветрување и климатизација, системите за централно заклучување и електрично подигнување на прозорците и што ли уште не. Написов, кој е во два дела, ќе нä запознае само со одржувањето на основните електросистеми на класичните автомобили. Во овој дел ќе зборуваме за осигурувачите, електростартерот и алтернаторот.