За технички неписмените лица, за сеирџиите и манипулантите со луѓето и нивните пари, како и за сите оние кои живеат со мотото да создадат што е можно повеќе хипотеки кај наивните и лековерните со кој подоцна би манипулирале со нив за свои потреби, перпетуум-мобиле е вечна инспирација. За останатите, чие секојдневие се состои во решавање реални проблеми, конструирање и производство на технички помагала кои ни го олеснуваат животот и кои внесуваат нови содржини во него, перпетуум-мобиле е нешто што само накратко се споменува во образовниот систем како невозможна мисија, нешто за што не вреди да се троши време, пари и труд. Во овој, прв дел од оваа тема, ќе го изнесам моето размислување за перпетуум-мобиле, а во второто продолжение ќе прокоментирам неколку примери на оваа тема.