Компјутерските закани од ден на ден стануваат се поголеми. Секојдневно се појавуваат голем број вируси, тројанци, црви и здодевни спам-ови. Секогаш кога ќе се најде начин да се спречи некој напад врз одредена мрежа или компјутер, хакерите се обидуваат да најдат нова метода за напад со цел пробив во компјутерските системи. Еден од најефикасните одбранбени механизми за компјутери што денес постојат во светот го прави фирмата Касперски (Kaspersky). Познатиот Kaspersky антивирус програм е од поодамна познат на нашата поширока јавност. Денес Касперски својата заштита ја проширува на пошироко поле, обидувајќи се да им помогне на корисниците на компјутерите да се заштитат од разновидните хакерски напади. Евгениј Касперски е човекот кој стои зад сите подвизи на фирмата. На презентацијата на новата платформа на Касперски, која се одржа во Холидеј Ин, во организација на македонскиот застапник - фирмата Кабтел, присуствуваше и лично тој, Евгениј Касперски...