Операциските засилувачи се среќаваат речиси во сите електронски склопови, дискретни или интегрирани. Од таа причина, во продолжение се дадени некои принципиелни техники со кои нивната моќност се искористува оптимално. Имено, за што станува збор, во многу електронски кола операциските засилувачи извршуваат првенствено една конкретна функција, во наједноставен случај чисто го проследуваат сигналот од влезот кон излезот, и притоа процентот на искористеност на нивните можности и перформанси е доста низок. Овде конкретно ќе обрнеме внимание на проблематиката која има за цел да обезбеди поголема моќност на излезот од операцискиот засилувач, иако не во сите случаи постои потреба за такво нешто.