Пред нешто повеќе од дваесет години, во јуни 1979 година SONY го претстави сензационалниот преносен мал стерео касетофон, наречен Walkman, модел TPS-L2. Бидејќи ништо не се појавува случајно на планетава Земја, еве ја целата приказна за настанокот на Walkman -от.

Нашиот читател Герман Русев конструирал мали звучници наменети за поставување на ѕид, со идеја подоцна да им додаде subwoofer. Пред да започне со проектирањето, Герман го донесе кај мене бас/среднотонскиот звучник Simsonik SW 410 P за да му ги измерам Thiele-Small параметрите. Потоа Герман самостојно ја проектирал звучната кутија и свртницата со помош на компјутерскиот софтвер JBL Speakershop.

Кога се следи состојбата и работата на електричната инсталација во возилото пожелно е да се следи и полнењето, односно празнењето на акумулаторот. Ова посебно важи за старите возила во кои најголемиот број блокади се премостени. На пазарот се нудат најразлични уреди кои возачот навремено го предупредуваат кога ќе заборави да исклучи некој одреден потрошувач, односно кога реглерот ќе се „заборави" и ќе започне неконтролирано да го полни акумулаторот.

Пред неколку месеци во редакцијата на списанието пристигнаа неколку писма со иста желба од читателите, да се објави проект за уред кој последователно ќе побудува одреден број на светилки. Ваквиот ефект се нарекува движечко светло како што е и насловот на овој проект. Во некои од писмата беа дадени неколку идеи кои се добри, но главно изведбата на таков уред е посложена од приложеното решение.

Со денешните операциски засилувачи може да дизајнираме електронски кола за разни примени доста едноставно. Пример е и овој разводник - засилувач за видео сигнал со пропусен опсег од 200MHz кој има три излези.

Ова е конвертор кој на својот излез дава 4 битен бинарен приказ на напонската вредност од неговиот влез. Принципот на работа е заснован врз зависноста на излезните логички нивоа од влезните напонски новоа. Принципиелната шема во основа се состои од компаратори и отпорнички делители. На овој начин теоретски може да се добијат бесконечно многу бити. За секој бит треба да се додаде компаратор и неколку нови отпорници. На електричната шема која ви ја претставувам е дадена 4 битна верзија.

И покрај тоа што изборот на трансформатори е голем, во аматерските работилници честопати се јавува потреба за изработка на некој нестандарден трансформатор. За тоа се потребни: стар трансформатор кој ќе се искористи за изработка на новиот, бормашина со регулација на бројот на вртежи за мотање на намотките, формули за пресметка на новиот трансформатор и малку снаодливост и добра воља. Во овој текст се дадени формулите за скратена приближна пресметка на трансформатори до 300W.