Човек се наоѓа во голема мака кога треба да избере пристапен по цена, но солиден по квалитет интегриран засилувач. На почетокот може да изгледа дека нема да има многу проблеми, но кога ќе се почне со сериозно бирање книгата се сведува на две букви. Бидејќи освен неколку lo-fi уреди од масовната далекуисточна продукција, по цена колку за 10-тина full price CD-а едвај може да се купи било што, а камо ли нешто што со своето име, традиција и над сè квалитетот влева доверба. И, освен тоа, да не спаѓа во групата уреди за кои обично се кажува "колку пари, толку музика".