Да не располагавме со одредени информации за Sony Alpha A3000, при првиот контакт со него ќе бевме уверени дека е во прашање само добро "набилдан" bridge модел. Највеќе поради компактните димензии и, да бидеме искрени – цената.
Тоа што A3000 ја оддалечува од bridge-категоријата е пред сè изменливиот објектив, како и сензорот, кој го сретнуваме и во моделите на Sony од повисоките категории. Истовремено, елиминирани се одредени додатоци и функции, сè со цел да се направи доволно голема разлика, како со моделите од повисоките категории, така и со bridge-моделите, истовремено задржувајќи ја цената во примамливи рамки. Ова значи дека пред нас е модел од почетната, влезна (entry-level) категорија на DSLR моделите. Или, со други зборови – најевтината влезница во DSLR светот.
Ваквиот пристап не е непознат, но во Sony може да се пофалат дека се првиот производител кој успеал да постигне толку ниска цена за апарат кој е осетно помоќен од класичните bridge-модели. Навистина, со цена од 20 999 денари е одвај малку поскап од… па ајде, да ги почестиме со таква титула – "врвните" ☺bridge-модели, но истовремено е и поевтин од моделите NIKON D3100 и "бунтовниците" на CANON (Rebel моделите), кон кои е цели. И да не заборавиме да напоменеме, апаратот се добива во комплет со стандарден објектив 18-55mm (f3.5/5.6).