Лоциран во Боливија, во близина на езерото Титикака, лежи прастариот град Тиванаку на надморска височина од речиси 4000 метри, што го прави највисокиот урбан центар кој кога било бил изграден. Во најголемиот дел опкружен со планини и ридови, градот го живеел својот зенит некаде помеѓу 500-тата и 1000-тата година од новата ера, кога се проширил на површина од нешто повеќе од шест квадратни километри, прецизно организирани со планска мрежа. Засега само мал дел од градот е ископуван. Процените за бројот на жители варираат, но се чини дека Тиванаку бил дом на најмалку 10 000 луѓе во неговиот зенит. Иако неговите жители не развиле писменост и старото (вистинското) име на градот е сè уште непознато, археолошките остатоци укажуваат дека културното и политичкото влијание на градот се чувствувало насекаде низ Андите, протегајќи се сè до современите граници на Перу, Чиле и Аргентина.