Дигиталниот универзален инструмент ги содржи истите елементи како и аналогниот, како што се селектор на мерниот опсег, напонски делител, селектор со шент отпори за струјните подрачја, селектор на омски подрачја и мерни систем. Принципот на работа на дигиталниот инструмент овозможува непосредно мерење и на некои други големини. АД-конверторите, меѓу останатото, овозможуваат градба на дигитални мерни инструменти, во кои мерниот систем со вртлив калем е сменет со дисплеј – покажувач на мерниот резултат со бројки. За потребите на дигиталните универзални инструменти се применуваат два вида АД-конвертори: едниот е интегрирачки, со растечка и паѓачка рампа, а другиот со регистар со последователна апроксимација (SAR). Во примерот на инструментот M890 е применет интегрирачкиот вид АД-конвертор. Рубриката "Школа за електроника" е наменета за електроничарите-почетници, но многу корисни работи во неа ќе најдат и оние понапредните. Затоа слободно, преку писмо или e-mail, поставете ги прашањата што ве мачат и предложете ги темите од електрониката за кои сакате да читате на овие страници.