При снимање на одреден аудио видео-производ, битно е како ќе биде снимено видеото, како ќе биде снимен тонот и како тие две работи ќе бидат синхронизирани. Какви било изобличувања во аудиото можат да му пречат на одличниот квалитет на видеото, и обратно. Значи, верен и квалитетен тон и видео се она што се бара. За најчестите грешки во снимањето на видеото, во некој друг напис. Во овој напис ќе стане збор за аудиото.
Како што е познато, аудиоопремата за снимање и софтверот доаѓаат во облик на бројки и букви. Мерењата вообичаено се во децибели (dB), но постојат различни референтни нивоа, во зависност од типот на опремата. Веројатно сте виделе дека на опремата за широка потрошувачка за аудиоснимање, на дисплејот пишува 0 dB. Така пишува и на евтините аудиомиксери и на софтвери за монтирање музика, но 0 dB може да се мери на различни начини.
На пример, ако имате некој стар аналоген аудиорикордер, тој најверојатно ќе има еден од оние ретро "игла-стил" метри. И, секако, на неговата скала има обележано 0 dB. Но, во зависност од тоа дали тој рикордер е уред за широка потрошувачка или професионален, 0 dB би можело да значи дека станува збор за еден од најчестите два вистински нивоа на аудиосигналот. На потрошувачките, тоа е референција од 0,775 V сигнал, додека на професионалнте тоа е ниво со референција од 1 V. Една четвртина од еден волт не изгледа како многу, но во аудиосветот, тоа е прилично голема разлика, и претворено во децибели воопшто не е занемарлива. Тоа добро го знаат тие што се занимаваат со снимање аудиосигнали.