Темата на летната школа е извонредно актуелна: како да се направи микрокомпјутерски систем што ќе ја постигне саканата функционалност со минимална потрошувачка на енергија. Знаеме дека перформансите на микрокомпјутерските системи рапидно се зголемуваат со постојаниот развој на технологијата, но се зголемува и потребата истите да функционираат што подолго со што е можно помало количество енергија, а со тоа и со што е можно помалку пари. Ова особено доаѓа до израз кај батериски напојуваните уреди. Оттука, техниките кои се применуваат за оптимизација на потрошувачката на овие системи се исклучително атрактивна тема, како за истражувања во светската научна заедница така и за инженерската практика во индустријата.