Како што ветивме, ви го претставуваме проектот за Hi-Fi звучник од компресионен тип. Се одлучивме да направиме квалитетен двонасочен (two way) звучник, односно звучна кутија со бас-звучник и високотонец. Меѓутоа, ова не значи дека звукот на овој звучник ќе биде полош од тронасочен (three way) звучник (со среднотонец). Праксата докажала дека ако двонасочен и тронасочен звучник имаат иста цена, најчесто подобар звук дава двонасочниот звучник. Ова правило се покажало особено точно за поевтините модели на звучниците. Евтиниот (и неквалитетен) среднотонец всушност ќе го расипе звукот. Подобро е да се направи квалитетен двонасочен звучник, отколку помалку квалитетен тронасочен звучник за истата цена.