Колото кое овде ќе биде опишано во основа е релеј кој реагира на звук, останува вклучен одредено време и се исклучува автоматски. Примената на ваквиот уред може да биде различна. Може да се користи како автоматско светло над влезната врата кое реагира на домашното ѕвоно, или како светло над гаражата кое ќе се вклучи штом ќе се приближите со вашата кола. Исто така може да функционира и како едноставен аларм, на тој начин што ќе вклучи светло пред влезот во куќата во оној момент кога ќе детектира некој сомнителен звук и на тој начин ќе го исплаши потенцијалниот крадец.