Секој автомобил содржи различни видови инструменти кои му даваат на возачот најразлични информации за состојбата на возилото, поточно за неговите поединечни делови. Зависно од производителот има најрзлични инструменти кои, според принципот на работа можат да бидат механички, електромеханички, електрични и електронски. Основните ги има секаде (брзиномерот, нивото на бензинот во резервоарот, нивото на маслото во моторот и неговата температура), а останатите се застапени онолку колку што дизајнерот им придал важност. што се однесува до покажувачот за состојбата на акумулаторот, во главно е сведен на една сигнална сијаличка која покажува дали акумулираната електрична енергија во акумулаторот е на минимум. Срцето на денешните автомобили е токму тој, акумулаторот, елемент кој ги напојува сите уреди во современите возила, од автоматските прозорци, алармните уреди, клима уредите, телефоните до радио-касетофоните со моќни засилувачи и што уште не...Освен сите тие т.н. секундарни уреди, тој треба постојано да биде подготвен да даде доволно снага за да заврти анласерот и да стартува моторот. И не само тоа. Акумулаторот е елемент кој најмалку е отпорен на температурни промени, а од се него се бара да ја дава потребната енергија за да стартува моторот во широк опсег на температури, и во лето и во зима.