За сите електронски конструкции потребен е извор на напојување. Многу често тоа се хемиски извори како на пример лекланшеови ќелии, или реден спој на повеќе такви ќелии во една целина наречена – батерија. Таквите извори се погодни за електронски конструкции односно уреди од преносен тип. Ако уредот трајно се користи во куќни услови препорачливо е да се користи трансформатор на напон со насочувач и стабилизатор на напон. Со употребата на конструкцијата односно регулаторот на напон опишан во понатамошниот текст во целина со било кој комерцијален адаптер - сигурно ќе добите еден квалитетен извор на напојување со можност за регулација на излезниот напон.