Нашите слепи слушни тестови се збогатени со нов квалитет - професионални мерења, потполно исти со оние кои можете да ги видите во најпознатите светски Hi-Fi списанија: Stereophile, Hi-Fi News & Record Review, Audio, ... Ќе се уверите дека измерените карактеристики на звучниците во потполност одговараат на слушните впечатоци. Додека субјективните оценки за звукот секогаш можат да бидат дискутабилни (особено ако не се добиени со слеп слушен тест), резултатите од мерењата претставуваат несоборливи факти. Сепак не треба да се очекува дека мерењата се доволни сами за себе. Невозможно е од различните измерени величини да се добие автоматски (по некоја формула) една генерална оценка за звукот. Слепиот слушен тест останува како незаменлив и единствен објективен судија, чиј збор е последен.