Големиот хадронски судрувач (LHC) лоциран на граница помеѓу Франција и Швајцарија, по извесен застој, повторно започна од месец март 2010 год. да судира протони со енергија од 7 трилиони eV, што е половина од неговата максимална моќност, но сепак е три пати повеќе од моќноста на неговиот најблизок ривал, судрувачот Теватрон во Батавија, Илиноис. Задачата на LHC е тој да трага по извесни егзотични хипотетични елементарни честички, кои недостасуваат во Стандардниот модел за честички. Во врска со тоа, физичарите за елементарни честички одржале состанок во август 2010 год. во Париз, со цел да согледаат до каде се стасало во истражувањата и кога може да се очекуваат првите резултати? Па, да тргнеме со ред.