Интегралното коло SAB 0600 е монолитен тритонски гонг за чија работа е потребен минимален број надворешни компоненти. Со RC членот приклучен на пиновите 6 и 7 од интегрираното коло се одредува носечката фреквенцијата на осцилаторот во колото. Оваа фреквенција понатаму се дели на три фреквенции со кои се одредува висината на секој тон, а една од нив ја дава временската база за одредување на времетраењето на ѕвонењето. За секој од дигитално генерираните тонови е предвиден по еден D/A конвертор, кој го дава напонот на ѕвоното. Излезниот НФ засилувач може директно да побудува 8-омски звучник, при што излезната моќност изнесува околу 160mW. Излезниот напон е приближно правоаголен.

Нашиот изработен прототип на тритонски гонг(лево); Тритонскиот гонг изработен од нашиот читател Сашо Филиповски од Битола (десно)

Поради малата потрошувачка во состојба на мирување колото може да се напојува и од 9V-на батерија. Малата потрошувачка во состојба на мирување ја овозможува интерниот стабилизатор на напон кој е активен само за времетаење на ѕвонењето, а потоа сам се исклучува.