Во минатите броеви се запознавме со теоретскиот дел на начинот на работење на микропроцесорите. Како пример беше земена архитектурата на микропроцесорот M6800, на чија база се конструирани и микроконтролерите од фамилијата MC68HC. Се запознавме со основите на проблематиката почнувајќи од бројните системи, сè до описот на постапката на програмирање на микроконтролерот. Во курсот беа објаснети само основните принципи на функционирање, но тоа е сосема доволно за почеток. Секако со практична работа на поедноставни примери, сето кажано до сега ќе го најде својот смисол. За таа цел, во овој последен дел од курсот е објаснет асемблерскиот код од програма која претставува инкрементален/декрементален бројач.