Општата состојба на акумулаторот наједноставно се следи со мерење на неговиот напон, и тоа во работни услови. Подрачјето на покажување како и точноста на мерењето на волтметарот за мерење на напонот на акумулаторот што ви го нудиме, може да се одбере по желба на корисникот. Ние го одбравме подрачјето приближно од околу 8V па до 16V со точност (чекор) на мерењето од 900mV. Индикацијата на моменталниот напон на акумулаторот е изведена со 10 лед диоди побудувани со интегрираниот лед драјвер LM 3914 кој работи во точкест режим. Самиот уред е едноставен, лесно се изработува и монтира, а потребните компонти се евтини и можат да се купат во секоја продавница за електронски делови.