Во многу населени места или во делови од нив, па дури и по одделни улици напонот на електричната мрежа опаѓа под нивото до кое електричните апарати можат да работат колку–толку правилно. Оваа појава е многу присутна во зимските периоди кога поради зголемената потрошувачка на електричната енергија напонот драстично опаѓа. Во едно минато време постоеше еден стандард во кој беше забележано дека електричните апарати можат да работат без да претрпат дефекти во границите од 187–242 волти. Но често мрежниот напон опаѓа многу повеќе. Сето тоа доаѓа од неадекватните трафостаници, надминатата димензионираност на проводниците кои ја спроведуваат електричната енергија до индивидуалните потрошувачи и т.н.