Секој сервисер на монитори или телевизиски приемници често пати има потреба од генератор на слика со чија помош се врши нагодување на одредени склопови од уредот кој се сервисира. За комплетно нагодување на секој дел од телевизиските приемници или монитори потребен ни е сет од карактеристични сигнали. Еден универзален сигнал кој се користи за нагодување на поголем дел од склоповите на телевизиските приемници е сигналот кој го емитува Македонската Телевизија пред почетокот на програмата. Секако дека уредот кој е прикажан во овој напис не е во можност да генерира ваков сложен сигнал, но со негова помош се генерира вертикална линија која може да ни помогне во нагодување на некои од склоповите на телевизиските приемници или монитори.