Носат разни придавки: студии, визии за иднината, прототип, концептни возила. Едно им е заедничко - нивното место е токму на вакви манифестации каде што треба да го испита потенцијалот на пазарот преку "мерење на пулсот" на идните купувачи. Од друга страна пак, тие секогаш барем малку ја доловуваат "секогаш неизвесната" автомобилската иднина. Некои од нив фактички се многу близу и подготвени да влезат во сериско производство, односно прашање на време е кога тоа ќе се случи. Други ќе претрпат помали или поголеми измени (зависно од реакциите во јавноста), а трети можеби нема никогаш да го здогледаат светлото на денот како масовен производ и ќе останат само како документирана архива дека се појавиле на Париз 2002. Просторот дозволува да прикажеме само еден дел од овој секогаш интересен и незаобиколен дел од саемските манифестации.