Уште со самата појава на моторното возило, човекот тежнеел управувањето со него што е можно повеќе да го поедностави, при што управувањето би било полесно и посигурно. Една од најмонотоните активности при управувањето е честата промена на степените на пренос и согласно на тоа и честата употреба на педалата од спојката. Да се направи преносник кој сам би ги менувал степените на пренос е вистинска умешност. Развојот на ваквите преносници е започнат уште во почетокот на 20 век. Тие денес сè повеќе се застапени во моторните возила. Се произведуваат во повеќе варијанти, меѓутоа принципот на работа им е ист. Ќе се обидам во кратки црти да направам приказ на овој вид преносници.