Научниците имаат постигнато општ консензус за основната историја на Вселената. Таа започнала со Big Bang од радијација со незамисливо висока температура и густина. За 15 милијарди години Вселената се раширила до денешни размери и се оладила. Галаксиите и другите комплексни структури израснале од микроскопско семе – количински варирања на густината на материјата.

До неодамна астрономите сметаа дека експанзијата на Вселената перманентно забавува под дејство на гравитацијата на повеќе од 100 милијарди галаксии, но резултатите од мерењето во 1998 година на далечни супернови упатуваат на акцелерациска експанзија на Вселената. Со тоа се отвори прашањето за идентификација на силата што е причина за акцелерацијата. Во врска со тоа прашање, денес теоретичарите водат многу интересни дебати.  

Космолозите тврдат дека “убедливиот доказ” го откриле со внимателно испитување на блесокот од ерупција на супернова што се случила пред 10 милијарди години 

МАТЕРИЈА ШТО НЕДОСТАСУВА

Денешниот модел на Вселената, космолозите го сметаат за креација на четирите т.н. основни сили: слабата и јаката нуклеарна сила, електромагнетната и гравитациската сила. Но, од неодамна тие се наоѓаат во положба да трагаат по петтата основна сила, којашто е причина за акцелерациската експанзија на Вселената и поради тоа, таа мора да биде одбивна! Но, каде да се бара таа?

Од порано е познато дека само мали фракции од материјата се компонирани во постојните хемиски елементи со кои се среќаваме во секојдневното искуство. Но, набљудувањата на Вселената ги убедиаја астрономите, дека за опстојување на галаксиите е нужна многу поголема гравитациска сила отколку онаа што ја има сета видлива материја. Така е детектирана невидливата т.н. “темна материја” (dark matter), составена од егзотични елементарни честички, кои немаат својство на интеракција со светлината и за кои ние имаме најмалку средена слика.