Четиритактните бензински мотори, особено оние од постар датум, обично се опремени со класично батериско контактно палење (со платински копчиња), а возилата од понов датум имаат посовршено, електронско палење, кое најчесто, заедно со електронскиот систем за напојување со гориво, прават една целина при што заеднички ги користат пооделните сензори во моторот и немаат подвижни делови. И за постарите и за поновите системи за палење потребно е редовно одржување како не би дошле во ситуација моторот ненадејно да престане да работи или, што почесто се случува, да не може да стартува или тешко да стартува (пали). Ќе наведам неколку, најкарактеристични зафати при одржување на системот за палење.