Најпоправуваниот систем од автомобилот е системот за кочење (или сопирање). За постарите автомобили, оваа констатација е, со гаранција, точна. За понеискусните автомеханичари и оние кој сами се пробиваат во автомеханичарскиот занает, поправката на овој систем лесно може да се претвори во "ноќен кошмар" или комплекс. За успешно справување со него, потребни се темелни практични познавања од механизмите и хидрауликата, а во поново време (за АБС-от) и електрониката. Во следните три написи ќе се обидам да ја олеснам ситуацијата околу одржувањето на системот за сопирање со мноштво практични совети и напомени. Започнуваме со општи воведни напомени и случајот кога Кочниците слабо сопираат.