Уште во 40-тите години од минатиот век се откриени добрите особини на плинот. До експанзија на неговата примена како погонско гориво кај автомобилите доаѓа со појавата на големата нафтена криза во 70-тите и 80-тите години. Поради добрите особини и ниската цена во однос на бензинот е примамлив за употреба како погонско гориво кај автомобилите. Сè побројни се автомобилите кои се движат на плин, а како основни причини за тоа се неговата релативно ниска цена и еколошката прифатливост т.е. многу "почисти" издувни гасови во споредба со бензинот, особено кај старите возила. Во текстов што следува ќе се запознаеме со плинот, плинската инсталација за возилото, предностите и недостатоците при употребата на ова гориво.