Телевизијата почнува и завршува со светлото. Без светло не постои можност да се добие слика. Логичен заклучок е дека светлото за телевизијата, но и за филмот, е многу битно, а најдобро е кога не се забележува во сликата, односно кога така добро го заменува природното осветлување во природните сцени, што човечкиот мозок смета дека сцената е дел од реалниот свет. За добро да биде осветлена една сцена потребно е знаење и големо искуство. Од друга страна, како минуваат годините се менуваат камерите, но иако не со таква динамика, се менува и технологијата на елементите за осветлување.