Олимписките игри во Пекинг по својата организација, сигурно од сите аспекти, не само што нема да се заборават, туку долго ќе останат на сите во сеќавање поради богатата содржина на игрите и соборување на повеќе светски рекорди, поради високо професионалната техничка реализација, а посебно ќе остане во сеќавање отворањето како прекрасна претстава со традиционални кинески перформанси. Да, се беше нај, нај, но и потрошениот буџет е мошне голем: 40 милијарди долари, но во него се пресметани и Параолимписките игри за инвалидизирани натпреварувачи. Текстов се однесува на техничката реализација на ТВ преносите од Олимписките игри ПЕКИНГ 2008, која е оценета како братско здружување на најголемите бродкастери во светот.