Во Македонија се појави една нова аудиофирма, која не може да остане незабележана, благодарејќи на ниските цени, интересниот дизајн и, за некои модели, луксузниот финиш. Станува збор за кинеската фирма CAV, која сака да се пробие на пробирливиот американски и европски пазар на звучници. Иако производните погони им се наоѓаат во Кина, нејзиното развојно и конструктивно биро е со интернационален состав - што укажува на јасната намера да се доближи до современите вкусови, но, сепак, во дизајнот на нивните уреди провејува по некој здив од егзотичниот Исток, што секако е добредојдено освежување. Од големиот избор од нивната понуда на мултимедија и класични стерео звучници, за овој тест го одбрав звучникот Fi-III, наменет за традиционалното стерео.