Уште една позната дистрибуција од фамилијата на Live CD-а, својствена по својата едноставност и пријателска настроеност кон корисниците. Со самиот факт дека ова е "живо", самоподигнувачко CD, можеме да кажеме дека во глобала познати ни се карактеристиките од претходните текстови кога пишував за Knoppix. Но, колку за потсетување, овие типови на дистрибуции ни даваат слобода и мобилност во нашата работа. Не бараат инсталација и сите придружни перипетии кои одат со неа, сигурни сме дека нема да доживееме нервен слом поради пад на системот, бидејќи тоа не се случува, нема потреба од инсталација на управувачки софтвер, бидејќи автоматски го препознава и најважно е дека ги содржи скоро сите програми кои ни требаат во секојдневната работа. Единствена работа која не е во предност е времето на подигање на апликациите, но веќе поминавме и преку тие работи, нели ?!?