Сон на секој репортер: мал, компактен, лесен рикордер, кој не "лапа" многу батерии, не се расипува (или барем мала да е веројатноста за тоа), а уште и да дава добар звук... До скоро ова беше само "научна фантастика", но со појавата на минијатурните MP3 плеери и како резултат на паѓањето на цената на полуспроводничката меморија, овие сништа станаа стварност. На пазарот се појавија дигитални диктафончиња, без подвижни делови, кои звукот го запишуваат директно на силициумската меморија. Но, нивниот квалитет на звук е добар само за таа намена, а останатите можности се ограничени. На професионалците (и на оние кои мислат дека се тоа) им е потребно нешто многу подобро... како, на пример, Marantz PMD660.