Анализата на електродинамичкиот звучник се прави во учебиците по техничка акустика при што се користи аналогија со електричните кола како техника на изведување заклучоци. Оваа анализа не користи аналогија туку тргнува од основните физички закони а води до исти резултати така што не бара од читателот подлабоки познавања од електротехниката. Анализата дава одговор на прашањето како зависи фреквентната карактерситика и степенот на корисно дејство на електродинамичкиот звучник од неговата конструкција и материјалите од кои е направен а водено е добар пример за примена на физиката во практиката.