Креативниот дух треба да се негува секогаш и кај секое од нашите деца за да можат тие утре да го водат светот со креација, а не со деструкција. Духот на креативноста лежи секогаш и во секого од нас; уметникот, танчарот, писателот и музичарот се оние што успеале да ги отворат вратите на слободата за да може да избликне нивната креативна енергија. Тоа се основните идеи од кои се тргнува во остварувањето на музичките идеи исполнети со желби за еден поубав свет, искажани од сопственикот на ова студио, Доналд Кван (Donald Quan), истакнат канадски музичар и композитор. Севкупната атмосфера и опкружување во кое овде се наоѓа човек, посебно им годи на музичарите со глобални сфаќања.