Приказната за Буба започнува пред Втората светска војна, за време на владеењето на Национал социјалистичката партија во Германија, чијшто лидер Адолф Хитлер, за првпат и се обраќа на германската нација токму на Берлинското мотор шоу во 1933 година и во таа пригода ветува дека наскоро секое германско семејство ќе има автомобил. Подоцна, своето ветување Хитлер го проширува и со зборовите дека ако ниту еден германски производител на автомобили не е во состојба да направи народен автомобил (volkswagen) кој би чинел не повеќе од 1000 рајхсмарки, тогаш тоа ќе го направи државата!

Со таква цел, Здружението на германските автомобилски производители во 1934 година се договара со генијалниот австриски инженер Фердинанд Порше. Овој, според договорот, во рок од 10 месеци требало да изработи три прототипи на автомобили според строго утврдени спецификации: да биде наменет за 4 лица, да постигнува 100km/h, да е способен да совлада нагорници од 30%, да има меѓуоскино растојание од 2500mm и да троши најмногу до 8 литри на 100 изминати километри...

Еволуција на популарната "Бубачка"