Во ова продолжение се разгледани неколку типови на антенски системи и истите се споредени со единечни антени, со цел да се увиди нивниот степен на интелигенција. Ваквите системи, сепак, не претставуваат интелигентни антенски системи, туку своевиден преоден чекор кон нив. Сигурно некои од нив и сте ги забележиле во околината во која живеете, особено секторизираните антени кои речиси ги има на секоја зграда низ поголемите градови, а истите се инсталирани по базните станици од мобилните оператори. Разгледани се и системи со диверзитет кои внесуваат новина во техниките за дигитално процесирање на сигналите, односно внесуваат нова димензија во однос на која се врши процесирањето, а тоа е просторот.