Во изминатиов период на пазарот на графички картички главно не се случуваше ништо радикално ново. Лидерите на овој маркет NVIDIA и ривалот ATI (AMD/ATI) на пазарот одамна ги понудија "хигх енд" графичките картички произведени во нивните погони, чија основна карактеристика е DirectX 10 интерфејсот "наметнат" од Microsoft и нивниот оперативниот систем Vista. Сепак, во погоните на двата гиганта не мируваат, и на пазарот се нудат графички картички за разни категории на потрошувачи. За врвните графички картички од овие производители веќе имавте можност да читате во минатите броеви на ЕМИТЕР, а во овој број ќе ја разгледаме графичката картичка на производителот Diamond со назив Diamond Multimedia Viper HD 2900 XT 1 GB GDDR4, која е првата графичка картичка со 1 GB DDR4 работна меморија.