Рекламната парола за Ubuntu оперативниот систем гласи: Linux for human beings (Линукс за луѓе). Ова треба да ве наведе на помислата дека Ubuntu е лесен за користење, што е блиску до вистината. Тој е оперативен систем кој ќе ви ги овозможи сите алатки на најлесен можен начин. Ubuntu е оперативен систем кој може да се добие бесплатно, како и сите помошни програми кои ви се потребни, а не доаѓаат заедно со овој оперативен систем. Со Ubuntu може да се сурфа на интернет, да се проверува е-маил, да се креираат документи и сé останато што го овозможуваат и другите оперативни системи! Ubuntu дава сила и флексибилност за користење во бизниси, едукација и за домашна употреба.