За долгогодишната борба за превласт помеѓу двата најголеми производители на процесори може многу да се зборува. Но, ќе се запрашате зошто во насловот на овој напис е спомената и NVIDIA, која како што е познато е гигант во една сосема друга област - производство на графички процесори. Веројатно до пред една година ваквата споредба ќе беше невозможна, но дали е денес така? Развојот на модерните компјутерски системи (HPC –High Performancy Computing) ја однесе информатичката технологија во, можеби за некого неочекуван правец, интегрирање на GPU со CPU. Дали тоа значи дека овие три компании одеднаш се најдоа на еден единствен пазар, и ако е така, кој е во предност?