Постарите генерации со носталгија се присетуваат на култните научно-фантастични серии и филмови кои ги обележале нивното детство и младост. Овие остварувања, обвиткани со сјајниот, златен превез што сите нешта од младоста го имаат, се чинат како бесценети камења, но само малку од нив го издржуваат тестот на времето и се “гледливи” и денес. Во ерата на постојани научни откритија, брза комуникација и, да не заборавиме, стриминг сервиси со одлични современи остварувања од СФ-жанрот доживува процут и од некогашните маргини денес ужива во вниманието на речиси  целата популација од 7 до 107. Овие нови остварувања носат нови стандарди, во склад со времето во кое живееме.