Криминалците и провалниците ги бираат незаштитените места. Поради тоа се јавува потреба од употреба на аларми, со кои би се обезбедила дојава и сигнализација за обид за провала или кражба во објектот каде што е поставен алармот. При употребата на аларми и алармни системи се сретнува поимот “зона”, што означува дел од објектот кој се штити, а кај алармот одреден влез на кој е поврзан сензорот/сензорите од ед­на зона. Препорачливо е во една зона да се употреби по еден сензор, но можно е да се употребат и повеќе сензори во ед­на зона. Подобра заштита се постигну­ва со користење на повеќе зони, но за по­веќето случаи сосема доволни се и алар­ми со две зони, како што е и аларм­от при­кажан во овој напис. Првата зона е влезно-излезна, додека втората е инс­тант зона, во кои што можат да се при­клу­чу­ваат најразлични видови сензори.