Ако сакате да изградите едноставен, минијатурен и комплетно интегриран полнач за единечна литијум-јонска батерија, вие сте на вистинското место. Полначот е составен од само едно SMD интегрално коло и неколку придружни електронски компоненти, а поседува голема напонска стабилност и прецизност (± 1%) при голем температурен дијапазон на експлоатација (- 40 до +85°C). Излезниот напон од 4,2 V е во согласност со потребите за максимално дозволен напон на полнење на еден литиумски елемент, секако со приспособлив режим на работа: константна струја/константен напон и можност за програмирана промена на вредноста на струјата за полнење од 50 до 500 mA.