Меѓународната олимпијада по хемија (International Chemistry Olympiad, IChO) е средношколски натпревар од највисок меѓународен карактер, кој секоја година привлекува голем број талентирани учесници од целиот свет. Од овие средношколци се бара да решаваат теоретски и практички задачи со високошколски тематики. Македонија со своето кратко искуство на ваквите олимпијади е сè уште на долгиот пат до наградено учество. Во овој број на ЕМИТЕР ви презентираме директно интервју со победникот на овогодишната IChO организирана во Виетнам – Џиаруи Сун (Jiarui Sun) од Сингапур, кој освои златен медал но и прво место. Џиаруи Сун има само осумнаесет години и учи во 12-то одделение во Raffles Institution во Сингапур.