Пријатно бевме изненадени од квантитетот и квалитетот на прикажаните пронајдоци и иновации. Покрај домашните иноватори, со свои пронајдоци се претставија и гостите од Србија, Хрватска, Босна и Херцеговина и Бугарија. За жал, ни оваа година организаторот не успеа да ги собере навремено пријавите за учество, па жирито немаше време претходно да ги селектира, разгледа и проучи понудените иновации. Така, без селекција, на изложбата официјално се појавија две перпетуум-мобиле машини, математички алгоритми што негираат докажни теореми од математиката, невозможни падобрански системи со хелиумски балони за спасување цели авиони...
Жирито и овојпат беше со пошироко дарежлива рака отколку што јас би сакал, но важно е дека работите тргнаа на поарно. Со оглед на ограничениот простор во списанието и големиот број на учесници, ќе ги претставме само поинтересните иновации. Целосниот список можете да го видите на www.emiter.com.mk