Емитер 10/2013.
Нарачајте го овој број или најавете се за да ја прочитате целата статија.
Дигиталните фотоапарати генерално се делат на аматерски и професионални. Помеѓу овие постојат и фотоапарати што премостуваат. Првите се компактни (Compact digital cameras), мали се и се наменети за масовна употреба каде што избраниот фотомомент е поважен од квалитетот на фотографијата. Големите апарати (DSLR - Digital single lens reflex cameras) се алатка во рацете на искусни фотографи и побаруваат поголемо знаење и искуство. Апаратите што премостуваат (Bridge cameras) имаат карактеристики на DSLR апаратите, но имаат фиксна леќа и мал сензор што ја формира дигиталната фотографија. Да видиме каде се наоѓа Fujifilm XM1.
Стивен Сизон (Steven Sasson) е виновникот што ги заборавивме аналогните фотоапарати и фотофилмовите. Тој во далечната 1975 го направи првиот дигитален фотоапарат. Отогаш, па до денес дигиталните фотоапарати брзо се развиваат и полесно стигнуваат во домовите на Земјаните. Нивните дигитално овековечени фотомоменти се наоѓаат по социјалните мрежи, мобилните телефони, личните таблети и компјутери. Масовноста на "фотографите" генерира потреба од различни фотоапарати со различни карактеристики и потребни вештини за ракување. Палетата на дигитални фотоапарати е огромна. Од обични компактни "идиоти" до големи професионални "ѕверови". Што ќе избереме за наша употреба, ќе зависи од цената, потребите и знаењето.
Каде да го сместиме Fujifilm XM1? Повеќе од "bridge" фотоапаратите, помалку од професионалните DSLR фотоапарати. Истото изразено преку вештините при фотографирањето би било: фотограф-аматер, кој повеќе не го задоволува квалитетот на малите фотоапарати, а не се осмелува да плати солидна цена за професионален апарат.
Последнава година повеќето производители обрнаа внимание токму на оваа целна група. Сакам да верувам дека причината за креирањето на оваа меѓукатегорија е тоа што луѓето научија доволно вештини за да посакаат нешто повеќе од фотомомент. Да посакаат квалитет.
Па, да видиме што донесува Fujifilm XM1.
Држете го апаратот близу до себе, секогаш може да се најдат ретки фотоможности. ISO 400; Aperture: f/14; Shutter Speed: 1/420
ASTIA симулација на филм прави ова обично маче да изгледа како од рекламите. ISO 500; Dynamic Range: 100%; Aperture: f/5.6; Shutter Speed: 1/25;
Ова е само дел од статијата која во целост е објавена во Емитер 10/2013. Нарачајте го овој број за да ја прочитате целата статија, а ако веќе го имате купено електронското издание најавете се за да го прочитате.