При градбата на некој електронски уред, и покрај деталните проверки се случува да превидиме некоја грешка. При вклучување на напојувањето, може да протече релативно голема струја и да дојде до оштетување на некоја електронска компонента (вообичаено најскапата :(), а во некои случаи и на водовите на ППК. Извор за напојување што има можност за регулација на излезната струја или за нејзино ограничување го решава проблемот, но поголемиот број електроничари, а особено почетниците, не поседуваат ваков извор за напојување. Но, не грижете се – потребни се само четири компоненти за да направите ограничувач на струја, кој ќе ги заштити вашите електронски конструкции од преголема струја при нивното прво вклучување и тестирање.