Solid – State дисковите (SSD) полека но сигурно го заземаат своето место на пазарот за компјутери. Многу компании се обидуваат да направат производ кој ќе ги исфрли на врвот, што, со оглед на предноста на SSD-дисковите во однос на традиционалните тврди дискови, воопшто не е за чудење. Компанијата Corsair, пак, од друга страна, веќе се здоби со добра репутација кога се работи за производство на овие дискови. Нивната упорност во барањето добра управувачка технологија ѝ овозможи на компанијата да даде сè од себе и да понуди на пазарот линија на овие продукти базирани на различни решенија. Впрочем, компанијата е позната по тоа што не се откажува од предизвици.