Изградбата на ФМ предавател претставува предизвик за секој електроничар. Бидејќи во многубројната литература и странски списанија постојат голем број на решенија на ФМ предаватели со помала моќност, целта на овој текст е да се даде една сублимација на наједноставните, евтините и квалитетни ФМ предаватели кои можат да се направат без поголеми познавања на ВФ техниката и без употреба на некои посебни инструменти. Пред да се решите да изградите некој од прикажаните предаватели внимателно прочитајте го целиот текст и разгледајте ги електричните шеми.