Воздухоплови од разни типови летаа на небото над спортскиот аеродром во с. Логоварди, Битола во склоп на четвртиот Меѓународен аеромитинг, кој се одржуваше во период од 3 дена (петок, сабота, недела), односно 9,10,11.9.2011 година. Инаку оваа манистација беше во склоп на прославувањето 20 години од независноста на Република Македонија. Факт е дека оваа манифестација од година во година е сè поквалитетна што укажува учеството на 45 летала од 5 земји и застапеност на сите воздухопловни категории од моделарство до параглајдери со мотор (парамотор). Ова укажува дека во наредната година односно на јубилејниот 5-ти по ред Аеромитинг ќе биде уште подобар и помасовен.